મેહનત ખાતર જન્મ્યો જાણે,
બીજા હારું વૈતરું કર્યું જેણે...
ગરીબી એના જીવનનું સત્ય,
પણ બુદ્ધિ ને ધગશ એ એનું ચારિત્ર્ય...
ઘરમાં એ સૌથી મોટો દીકરો,
જવાબદારીઓ માટે નહોતો એ બેફીકરો...
નસીબ પલટવા નીકળ્યો એ વણઝારો,
ને એની જીવનસાથીએ સાથ દીધો સારો...
અપાર પરિશ્રમ ને પ્રેમથી પરિવાર જોડયું,
ને એની ખુશી માટે પોતાનું શમણું તોડયું...
ભણતર સાથે જીવનનો પાઠ શીખવ્યો,
ને ઘણા બાળકોનો ઉધ્ધાર આણ્યો...
સેવા કરી કરી ને આજે ટોચ પર બેઠો,
તોય કદી માથે ઘમંડ ન દીઠો...
ફરી આજે એના જન્મ્યાની ખુશી છે,
કે જે એ વ્હાલી વ્યક્તિ મારા પિતા છે...
- જૈવિકા ડાભી
