નથી મારાથી એ કદી કહેવાયું કદાચ,
કે એણેય લીધી છે મારી ભાળ.
નથી મારાથી એ કદી જોવાયું કદાચ,
કે એણેય હૂંફભર્યો દીધો છે મારા માથે હાથ.
નથી મારાથી એ કદી અનુભવાયું કદાચ,
કે એણેય પીડાં સહી છે મારા આંસુ કાજ.
નથી મારાથી એ કદી સમજાયું કદાચ,
કે એણેય મારી ખુશી માટે કરી છે જમાપૂંજી ખર્ચ.
નથી મારાથી એ કદી વિચારાયું કદાચ,
કે એય પિતાના પ્રતિબિંબ સમો
અનુપમ પ્રેમાળ, અપાર ઉદાર
સાહસિક રક્ષક, કડક મિજાજી
પણ ખૂબ સાદગીભર્યો, છે એ માણસ ખાસ.
- જૈવિકા ડાભી
